నిరీక్షణ - (కపిత)

నిదురించే నయనాలకు కనిపించే కలవు నీవు
పడిలేచే కెరటాలలొ దరిచేరే అలవు నీవు
వినిపించే సరిగమలను శృతిచేసే గళము నీవు
మదికోరే అనురాగము అందించే ప్రేమ నీవు


పురివిప్పే నెమలిని కవ్వించే వానవు నీవు
లయతప్పే ఎదసడిని సంధించిన బాణము నీవు
చలిగుప్పే మాసానికి వెచ్చని కౌగిలి నీవు
అనిచెప్పే మనసుకి నచ్చిన చెలిమి నీవు 


వెలుగిచ్చే వెలుతురును వెలిగించే కాంతివి నీవా
ఎదురొచ్చే అలజడికి బదులిచ్చే అనుభవానివా
విరబూసే విరులన్నిట మూగముద్ద బంతివి నీవా
వెంటాడే ఎడబాటును ఇకనైనా తరిగించలేవా ..


నీలి గగనాన ఎగిరే విహంగానివో
నీటి సంద్రాన ఎగసే తరంగానివో
ఏటి తామరల చందాన విరిసే
మేటి అందాల భరిణవు నీవో